گجرات (ویب ڈیسک)پنجاب کے ضلع گجرات (Gujrat)کے نواحی گاﺅں میں ناخلف بیٹے نے ناشتہ دینے میں تاخیر پر روزے دار ماں کو قتل کردیا۔
تفصیل کے مطابق انڈسٹریل سٹیٹ 2 پولیس سٹیشن کی حدود میں ایک شخص نے مبینہ طور پر ناشتہ دینے میں تاخیر پر اپنی روزے دار ماں کو قتل کردیا، عثمان نواز نامی شخص نے اپنی والدہ رضیہ بی بی کو ناشتہ بنانے کو کہا تھا، تاہم ماں نے کہا کہ روزے سے ہے اور کچھ آرام کرنا چاہتی ہے، اس لیے وہ کچھ تھوڑا صبر کرے۔
ماں کی جانب سے ناشتہ دینے میں تاخیر میں ناخلف بیٹا مشتعل ہوگیا اور اپنی ماں کے سر پر آہنی سلاخ دے ماری جس کے نتیجے میں روزے دار خاتون موقع پر دم توڑ گئیں۔
پولیس ملزم کے خلاف اس کے بھائی فرمان علی کی مدعیت میں تعزیرات پاکستان کی دفعہ 302 کے تحت مقدمہ درج کرلیا۔
